Esta
sorrisa tien daqué llóbregu que produz respigos. Nun ye chanza, vi felechos
revolvese na tierra y vi millones de pelos d'ortiga arizaos como escayos d’oriciu.
Delantre mio cayeron páxaros del cielu abrasaos ensin motivu aparente y a los
pexes del ríu dio-yos, de sópitu, por flotar.
Les piedres derritense y los homes lloren. Y tou por culpa, non de la sorrisa,
sinón del so amu. L'amu de la sorrisa que vien ser lo mesmo que l'amu del calabozu
pero ensin un ápice d'humanidá y munchos teras de malinidá.
Cuando solo te importa el to, yá nun
digamos bienestar, sinón el to megasuperbienestar, tienes que triyar munches
almes pa conseguilo, nun tienen qu'importate los métodos utilizaos nin los discursos remanaos
y sobremanera, y esto ye lo más importante, tolos díes de la to vida tienes que
practicar frente al espeyu, esa sorrisa tuya, tan característica. Si daquién
intentara meter una mazana entera na to boca o ponete una corona perexil,
resabia.
No hay comentarios:
Publicar un comentario